Alessio Bondì - Si fussi fimmina


DESCRIZIONE
Si fussi fimmina
Si fussi un re o un avutru
Iu 'un m'u scurdassi cchiù

Cu quali cuori t'è taliari
Cu quali occhi t'è maniari
Cu quali manu t'è manciari
Cu quali vucca t'è 'bbrazzari
Cu quali vrazza m'è prisintari
Cu quali arma t'è parrari

Ma sugnu sempri chiddu
Ca si cunfunni priestu
Chiddu checcu ri rispettu, assuppatu 'i noliti
Chiddu chi 'un havi risiettu
E chi chianci rintra 'u specchiu
Chiddu ca si scassa tuttu e si lassa in tririci

Cu quali uossa t'è 'scutari
Cu quali aricchi t'è liccari
Cu quali lingua t'è tagghiari
Cu quali unghia t'è sunari

Nei nuttati insiemmula
I me' amme in mienzu ai tue
‘Un sacciu cchiù quali su
Ma allura rimmillu tu
Cu quali amme minn’è ghiri

Si fussi oniestu
E si 'u cielu fussi cchiù lieggiu
Vulassimu

---
L'articolo Alessio Bondì - Si fussi fimmina di Alessio Bondì è apparso su Rockit.it il 2015-04-07 14:34:52

COMMENTI

Aggiungi un commento avvisami se ci sono nuovi messaggi in questa discussione Invia