TESTO
(Dina Basso/Cesare Basile)
in memoria di Alfia
La storia di una donna costretta in ginocchio per tutta la vita.In ginocchio per lavorare, pregare, essere sfruttata e usata sessualmente. Quando, in morte, viene messa nella bara, è incapace di starci distesa. Calatemi nella fossa in ginocchio.
L'armuzza di me matri mi lassau
sgravata do piccatu da me carni
mancu u vattiu ci potti e m'arristau
a curpa ca purtava supra e spaddi
Ancunicchiata sutta la curria
a peddi m'allisciaunu a tumbulati
Santa Maria s'ava scurdatu i mia
sutta e pateddi ciciri caliati
Assammarava c'aveva decianni
malumisteri ha statu a lavannara
beddi dinocchi ci lassai e petri
i manu s'anniaru 'nta ciumara
Finiu la guerra e s'accapau l'amuri
o friddu era e u friddu su purtau
ju m'anciccava 'nterra ppi priari
ma ammenzu a nivi a nivi su curcau
Doppu vintanni ancora dinucchiuni
calata pp'arricogghiri i frastuchi
calava u suli e ju non m'addrizzava
u jarmu do camperi mi vuleva
Carrabbinera trasi a morti n'casa
Santa maria s'arriurdau di mia
cunortu fu me matri ciaurusa
nun lassu nenti e nuddu sdillania
Dintra o tabbutu o scuru unn'aju abbentu
nunn'aju piaciri a stari stinnicchiata
è a prima vota e ccu mill'ava diri
calatimi nta fossa addinucchiata
ALBUM E INFORMAZIONI
La canzone Canzuni Addinnucchiata si trova nell'album s_t uscito nel 2012 per URTOVOX rec., Audioglobe.
---
L'articolo Cesare Basile - Canzuni Addinnucchiata testo lyric di Cesare Basile è apparso su Rockit.it il 2024-04-11 16:31:01
COMMENTI