TESTO
AMMORE QUANNO è AMMORE
(testo: A. Sollo; musica: C. Domestico, P. Faccini)
E n’ha passate ‘e cotte e ccrure
Se n'è mmagnato ‘e pane tuosto
Se n'ha pigliati ’e vase 'a Giuda
Nun more maje st’ammore nuosto
Sta sempe 'ntridice e nun passa
‘Int' ‘e tiempe ‘e guerra po’ fà ‘o scemo
Quanno te lasso o tu me lasse
‘O ssape ca turnammo ‘nzieme
Ce n’ammo fatte ’e scortesìe
Paccheri ‘nfaccia a mmana smerza
Ce n’ammo ditto ‘e fessarìe
vocche cusute e brutti scherzi
pecchè ammore quann’ è ammore
‘E tutt'o riesto ‘nze ne ‘mporta
Ha dda dà cunto sulo ‘o core e ppiglia 'e pietto pure ‘a sciorta
pecchè ammore quann’ è ammore
E tutt’o riesto ‘nze ne ‘mporta
Ha dda dà cunto sulo ‘o core e ppiglia 'e pietto pure 'a morte
A pparte ‘o fatto ca te voglio bene
Comme nisciuno te ne ha maje vuluto
O’sango scorre liscio dint’ ‘e vvene
'A quanno nuje ce simmo cunusciuti
M’aizo ‘a dint’ ‘o lietto sempe allero
Comme si stess’‘e casa ‘int’a nu suonno
‘E ccosce nun me 'e ssento stanche ‘a sera
Pure si aggio truttato tutto ‘o juorno
succede a chi è vvasato d’‘a furtuna
A cchi ha truvato ‘o paraviso ‘nterra
l’ammore te dà 'a forza ‘e duje liuni
Te mette ‘ncuorpo ‘na salute 'e fierro
pecchè ammore quann’ è ammore
E tutt’ ‘o riesto ‘nze ne ‘mporta
Ha dda dà cunto sulo ‘o core e ppiglia 'e pietto pure ‘a sciorta
pecchè ammore quann’ è ammore
E tutt’ o riesto ‘nze ne ‘mporta
Ha dda dà cunto sule ‘o core e ppiglia 'e pietto pure ' a morte
PLAYER
Premi play per ascoltare il brano Ammore quanno è ammore di Gnut:
CREDITS
Gnut: voce, chitarra acustica
Simone Prattico: batteria
Ilaria Graziano: voce
Michele Signore: mandolino
Piers Faccini: chitarra acustica 12 corde, chitarra elettrica, basso, cori, armonica
ALBUM E INFORMAZIONI
La canzone Ammore quanno è ammore si trova nell'album Nun te ne fa' uscito nel 2022 per Audioglobe, Beating drum.
---
L'articolo Gnut - Ammore quanno è ammore testo lyric di Gnut è apparso su Rockit.it il 2022-09-12 17:31:25
COMMENTI