TESTO
Ti sa che xe ormai massa tardi
no riesso trovar e paroe
no so bon de sgridar un fio
che pianser no vol
Te vedo ma ti xe apanada
come el vero de un bateo a novembre
na carta in un zogo
che no ti sa cossa che ła serve
Do schei in scarsea che me so desmentegà
el bietto de un treno che go tolto diese anni fa
Venexia copada da l’acqua,
coverta da un strato de onto
no so bon vantarte
desso che ti porti el conto
de queo che gavemo vissuo
de queo che ti me ga prestà
de queo che gavevo paura
De farme ciavàr
Un meso basetto sprecà da drio de un portòn
Che un baso xe vero soltanto se dà in scondòn
Savatando per i ponti,
le vien soso a quatro in riga,
par che a tuti le ghe siga:
largo indrio che semo nù.
Za la zente su le porte,
Sta a vardar la baraonda,
Che infuriando come un'onda,
Urta, spenze e passa in là.
I te dixe che ti xe diversa
compagna no ti xe sta mai
buea sfondrada de turisti e de veci desfai
Un schito coverto de oro
scoassa butada in canal
siora e parona dei mari e dei disoccupai
Te sigo na mesa bestema par farte pecà
par farte capir che el mondo xe de chi ga sbaià.
PLAYER
Premi play per ascoltare il brano Bestema (feat. Ensemble Vocale Eccetera Eccetera) di Piccola Orchestra MDM:
DESCRIZIONE
Unico brano scritto e cantato in dialetto veneziano. Parla di Venezia in maniera disillusa e malinconica, proponendo la visione di una città affossata dal turismo di massa che sta lentamente spopolando il centro storico. "Bestema" omaggia le sonorità del Canzoniere Popolare Veneto degli anni Sessanta e Settanta (Bertelli, D'Amico, Ronchini) e nel mezzo cita la poesia delle Tabacchine di Selvatico, riprendendone alcuni versi qui cantati dall'Ensemble Vocale Eccetera Eccetera.
ALBUM E INFORMAZIONI
La canzone Bestema (feat. Ensemble Vocale Eccetera Eccetera) si trova nell'album Concjerto Grosso per Piccola Orchestra uscito nel 2023.
---
L'articolo Piccola Orchestra MDM - Bestema (feat. Ensemble Vocale Eccetera Eccetera) testo lyric di Piccola Orchestra MDM è apparso su Rockit.it il 2023-01-29 14:50:05
COMMENTI